Նոր ֆունկցիաներ gmail-ում

Gmail-ում այսօր հայտնվեցին մի շարք նոր ֆունկցիաներ, որոնք նախկինում թեստային ռեժիմում էին ու էլի շատերիս կողմից օգտագործվում էին։ Եթե մինչ այժմ դուք չեք համոզվել նրանում, որ gmail-ը լավագույն փոստային սերվիսն է, ապա ժամանակն է համոզվել դրանում։ Հայաստանում լայն կիրառում ունեցող mail.ru-ն ու yandex.ru-ն սովորական աուտսայդ են google-ի արտադրանքի համեմատ։ Առաջինի մասին ընդհանրապես չարժե խոսել, այն անգամ հայերեն գրելու հնարավորություն չունի, երկրորդ էլ ուղղակի քիչ-քիչ քոփի է անում gmail-ը։ Ի դեպ, եթե դուք որոշեք տեղափոխել ձեր էլ. փոստը, իմացեք, որ gmail-ն ունի ֆունկցիա, որի միջոցով հավաքում է մյուս էլ. փոստերի նամակները (եթե ինչ-որ մեկին պետք լինի, կարող եմ անդրադառնալ այդ ֆունկցիայի կարգավորմանը), բայց այժմ խոսենք բոլորովին նոր 4 ֆունկցիաների մասին։

Նշված ֆունկցիաներն ակտիվացնելու համար ոչինչ անել պետք ՉԷ.

1. YuoTube հոլովակների ցուցադրում անմիջապես էլ. փոստում – եթե ցանկանում եք YouTube-ի որևէ տեսանյութ ուղարկել ձեր ընկերոջը, պարզապես նամակին կցում եք հոլովակի հղումը և այն հնարավոր է լինում դիտել հենց նամակի մեջ՝ սեղմելով «դիտել» կոճակը։
2. Հիշեցումներ ՉԿՑՎԱԾ ֆայլերի մասին – եթե հաճախ եք որևէ ֆայլ բեռնում ու մոռանում եք կցել նամակին, արդեն կստանաք հիշեցումներ այն մասին, որ կան չկցված ֆայլեր։
3. Գունավոր պիտակներ – նախկինում նամակներին տված պիտակները (օրինակ «սպամ», «կարևոր», «անկապ») միագույն էին։ Այժմ ամեն պիտակի համար կարող եք ընտրել մեկ գույն և ավելի հեշտ գտնել անհրաժեշտ պիտակով նամակները։
4. Արձակուրդ – gmail-ում արդեն կար ինքնապատասխանիչ, որը, ցանկության դեպքում միացնում էինք ու քաշվում մի կողմ։ Այժմ կարելի է նախապես որոշել, թե երբ է միանալու ինքնապատասխանիչը։ Օրինակ եթե կիրակի օրը մեկնում եք քաղաքից, նախապես ծրագիր եք տալիս, որ ինքնապատասխանիչն այդ օրը միանա, որպեսի շտապելիս չմոռանաք։