Google-ը «բզելու» պաշտոնական կոճակ հրապարակեց

Դեռ չէր հասցրել բացվել Google Buzz-ը ու արդեն հայտնվել էին այնտեղ հրապարակումներով կիսվելու համար նախատեսված կոճակներ ու այլ գործիքներ։ Երեկ վերջապես google-ն ինքը հրապարակեց կայքերում, կամ բլոգներում տեղադրելու համար նախատեսված երկու պաշտոնական կոճակ՝ մեկը որևէ բաժանորդի Buzz-ին հետևելու (Fallow) համար, մյուսը՝ հրապարակումներով կիսվելու (share):
Ինչպես հայտնում է Google-ի պաշտոնական բլոգը՝ կոճակները շուտով կհայտնվեն նաև YuoTube-ում և Blogger-ում, ինչը էլ ավելի մեծ քանակությամբ մարդկանց կստիպի գրանցվել Buzz-ում։ «Բզելու» ֆունկցիան արդեն իսկ ավելացրել են բովանդակությամբ կիսվելու համար նախատեսված ամենաճանաչված սերվիսները՝ ShareThis-ը, Shareholic-ը, AddThis-ը և AddtoAny-ն։ Եթե դուք ունեք բլոգ և նույնպես ցանկանում եք ինտեգրել այնտեղ Buzz-ը, անցեք ԱՅՍՏԵՂ և ստացեք կոճակների կոդը։ Ինչպես տեսնում եք uci.img-ն արդեն իսկ buzzապես հագեցված է