Ինչպես պատրաստել գեղեցիկ գովազդ

«Վերջին հրապարակումները», «Նման պոստեր» ու այլ լրացումների հանդիպած կլինեք շատ բլոգներում։ Դրանք լավագույն միջոցն են բլոգի ընթերցողին երկար ժամանակ կայքում պահելու համար։ Այցելուն մտնում է որևէ պոստ կարդալու, տեսնում է այլ հետաքրքիր պոստեր և գնա՜ց։ Իսկ մի քանի բլոգ վարող բլոգերների մոտ՝ սայդբարերում մեծ մասամբ տեղադրվում են նույն հեղինակի մյուս բլոգի RSS հասքերը, որոնք օգնում են միավորել երկու բլոգները՝ մեկից մյուսին այցելուներ փոխանցելով։
WidgetBox-ն ու Blogger-ը հրապարակել են մի վիջեթ, որը այլընտրանքային լուծում է տալիս այդ երկու «առաքելություններին»։ «Բլիջեթը» ցուցադրում է ցանկացած հոսքի վերջին գրառումները նորությունների կամ սլայդշոուի տեսքով։ Մենք օրինակի համար այն արդեն տեղադրել ենք ԱՅՍՏԵՂ ու նախքան պատրաստմանն անցնելը կարող եք տեսնել՝ պետք է այն ձեզ, թե ոչ։

Անվճար տարբերակում «Բլիջեթի» ֆունկցիոնալը բավականին փոքր է՝ այն կարողանում է միայն մեկ RSS հոսքի վերջին մի քանի գրառումները ցուցադրել, քիչ դիզայններ ունի ու մի քանի գովազդ է պարունակում։ Վճարովի «Բլիջեթը» կարողանում է ցուցադրել մի քանի RSS հոսք, Twitter-ի ու FaceBook-ի կարգավիճակների թարմացումներ, ցանկացած HTML կոդով էջ ու էլի շատ բաներ։ Մի խոսքով այն հնարավոր է լինում վերածել կայքի մեջ տեղադրվող փոքրիկ կայքի։ Բուրժուաներինը թողնենք բուրժուաներին ու զրուցենք անվճար վիջեթի մասին Այն պատրաստելու համար անհրաժեշտ է անցնել ԱՅՍ ԷՋ, լրացնել ձեր բլոգի հասցեն ու սեղմել շարունակելու կոճակը։ Երկար երազների գիրկը չընկնելու համար հաջորդ էջում հարկավոր է միանգամից դուրս գալ վճարովի տարբերակի փորձնական ռեժիմից ու անցնել անվճարին (էջի վերևում ու ներքևում դուրս գալու կոճակներ կան)։ Հետո միայն սկսել կառուցել վիջեթը՝ ընտրել ձևը, գույնը, չափսը, բովանդակությունը, վերնագիրը և այլն։ Ինչից հետո սեղմել ներքևի կանաչ կոճակը։ Այդպիսով ձեր վիջեթը կհրապարակվի վիջեթների կատալոգում ու այն հնարավոր կլինի share անել FaceBook, Twitter կամ այլ կայքեր, ինչպես նաև տեղադրել Blogger-ի վրա կառուցված բլոգում, կամ ցանկացած այլ կայքում, որի կոդը կարող եք խմբագրել (օրինակ ucoz)։ Ցանկության դեպքում կարելի է նաև տեղադրել LiveJournal-ի կամ Blogger-ի պոստերի մեջ։ Համոզված ենք, որ գովազդի այս տեսակը քիչ ուշադրություն չի գրավի և մեծ է հավանականությունը, որ վիջեթը ձեզ նոր այցելուներ կբերի Ինչպես հասկացաք, այն կարելի է տեղադրել նույն բլոգում, որի հոսքը ցուցադրվում է ու օգտագործել, որպես «Վերջին հրապարակումները» լրացում։