Ինչպես պաշտպանել բրոուզերը

Վիճակագրության համաձայն բրոուզերների խափանումների 30%-ը տեղի է ունենում հնացած պլագինների պատճառով։ Նույն այդ պլագինների խոցելիությունը հնարավորություն է տալիս կիբերհանցագործներին մուտք գործել ձեր համակարգիչ և գողանալ ինֆորմացիա։

Բրոուզերների պլագինները ստուգելու և թարմացնելու համար նախատեսված Plugin Check ծառայությունը, որը թողարկվել էր Mozilla-ի կողմից և նախկինում նախատեսված էր միայն FireFox-ի համար, այժմ կարողանում է գտնել և թարմացնել նաև մյուս բրոուզերներում օգտագործվող հնացած պլագինները՝ այդպիսով ցածրացնելով ձեր համակարգչին սպառնացող ռիսկը։ Plugin Check-ի միջոցով հնարավոր է թարմացնել Firefox, IE 7 և 8,  Chrome, Safari և Opera բրոուզերների պլագինները (օրինակ, Adobe Acrobat, Real Player, Windows Media Player, QuickTime, Java 7 այլն):

Դրա համար անհրաժեշտ է անցնել Plugin Check ծառայության էջ և դիտել ձեր համակարգչում օգտագործվող պլագինների ցուցակը։ Յուրաքանչյուր անվանման դիմաց նշվում է պլագինի ստատուսը և գործողությունը, որը կարող եք կատարել։ Կանաչ կաճակի դեպքում տվյալ պլագինը թարմացման կարիք չունի, դեղին կոճակի դեպքում ունի թարմացման կարիք և հնարավոր է թարմացնել անմիջապես այդ էջից, իսկ մոխրագույն կոճակը նշանակում է, որ ծառայությունը չի կարող թարմացնել տվյալ պլագինը ու դուք պիտի որոնեք դրա նոր տարբերակը Google-ի միջոցով։ Կարող եք հենց հիմա ստուգել ձեր պլագինները՝ սեղմելով պոստում տեղադրված բեջին (նկարին ):