Աշխարհի ամենահայտնի որոնողական համակարգը, որն հասանելի է ավելի քան 180 լեզուներով։ Յուրաքանչյուր ամիս գօօգլե-ում փնտրում են 40 միլիարդ բառ՝ դա կազմում է ամբողջ ինտերնետում արված որոնումների 60 տոկոսը։ Որոնումը գօօգլե-ն իրականացնում է իր ռոբոտի՝ Գօօգլեբոտի օգնությամբ, որը կարողանում է փնտրել ոչ միայն ինտերնետային կայքերում զետեղված ինֆորմացիան, այլ նաև համացանց «գցած» PDF, RTF, Microsoft Word, Microsoft Excel, Microsoft PowerPoint և այլ ֆորմատի ֆայլերում։ Գօօգլե Web Search-ում ճիշտ որոնման կանոններին կարող եք ծանոթանալ ԱՅՍՏԵՂ։
կամ, ինչպես ասում էին Կիլիկյան Հայաստանում՝ Ցհրոմե – գօօգլե-ի կողմից արտադրվող վեբ բրոուզեր։ Ստեղծվել է 2008 թվականին։ Նույն թվականի դեկտեմբերի 11-ից ենթակա է ազատ բեռնման։ Այժմ այն համարվում է ամենահայտնի, արագ ու ապահով վեբ բրոուզերներից մեկը։ Բրոուզերի պաշտոնական կայքից հնարավոր է բեռնել դրա 3 տարբերակ՝ ստաբիլ՝ բոլոր օգտվողների համար՝ ստանդարտ ֆունկցիաներով, beta` բոլոր օգտվողների համար՝ նոր փորձնական ֆունկցիաներով ու dev՝ ծրագրավորողների համար՝ հերթական տարբերակը (այս պահին՝ 5-րդ)։ Chrome-ը ունի բաց կոդ՝ դա նշանակում է, որ ցանկացած ծրագրավորող կարող է ուզած ձև փոփոխել բրոուզերը կամ ստեղծել դրա համար նախատեսված լրացումներ։ Հենց այդ բաց կոդի շնորհիվ էլ հայտնվում են բրոուզերի կլոնները, որոնցից ամենահայտնիներն են ChromePlus-ը և SRWare Iron-ը։ Ցհրոմեի մասին բոլոր հրապարակումները @uci_img-ում՝ կարդա ԱՅՍՏԵՂ։
կամ gmail – անվճար էլ. փոստ գօօգլե-ից։ Գործում է 2004 թվականի ապրիլի 1-ից։ Համեմատած մյուս բոլոր փոտային սերվիսների հետ gmail-ը շատ ավելի ֆունկցիոնալ է։ Այն հնարավորություն է տալիս ուղարկել ու ստանալ ցանկացած տիպի ֆայլեր, ինչպես նաև դիտել ստացած լուսանկարները կամ տեսագրությունները հենց նամակի մեջ։ Gmail-ում կա նամակների RSS հոսք, որի միջոցով հնարավոր է կարդալ հաղորդագրությունները RSS ընթերցիչի միջոցով։ Էլ. փոստն ունի 7 գեգաբայթ տարածություն նամակների ու ֆայլերի պահպանման համար, չաթ, որը կարելի է օգտագործել առանց որևէ ծրագիր բեռնելու, գեղեցիկ վիզուալ խմբագրիչ, դիզայնը փոխելու հնարավորություն ու մի շարք լրացումներ, որոնց միջոցով էլ. փոստը հնարավոր է դառնում օգտագործել ոչ միայն որպես այդպիսին։ Նրանց համար, ովքեր ավելորդ են համարում բոլոր նորամուծությունները, կա փոստի հեշտացված՝ HTML տարբերակը։ Իսկ եթե դուք օգտվում եք այլ փոստային ծառայությունից, կարող եք վերահասցեավորել այն դեպի gmail: Թե ինչպես՝ կարդացեք ԱՅՍՏԵՂ։
